為著浪漫因此找對手握緊
坐著互望也換來無比快感
不夠愛亦做了情人　終於性格轉出缺陷
初嘗愛　幸也不幸

 

日後遇著一位真動魄驚心
為著共渡太快樂才感痛心
因怕美麗驟變密雲　不安到喪失信任
激情到　不堪配襯

 

做對戀人　這樣難　心無常變幻
我願能　每段燦爛　長期流轉心間
恨愛交纏　情感不減　卻會敗了給時間
沿路盛開花瓣　卻已戀上　遠天泛藍

 

現在遇著她很恩愛更小心
漸漸學習有問題能心對心
很理智但又欠動人　她想到試婚變恨
因為我　竟不答允

 

做對戀人　這樣難　心無常變幻
我願能　每段燦爛　長期流轉心間
恨愛交纏　情感不減　卻會敗了給時間
沿路盛開花瓣　卻已戀上　遠天泛藍

 

做對戀人　錯會犯　關係常變幻
我但求　愛別太難　隨緣隨心之間
恨愛交纏　無法奉還　怕試盡愛的濃淡
從前用光心血　怕有花火　我都心淡

 

 

今日係阿 DREW 「牛一」...... 昨晚就去喪唱左一晚。本來都驚今朝起唔到身，因為要上東莞做嘢；點知今日個死廠佬居然甩底，於是我就順理成章訓番夠本，訓醒仲好乖咁去番學......

 

Augustine 出左成績。最開心係...... CEF 終於可以回水喇！ YEAH！

 

*********************************

 

回應一句有關《同志‧戀人》：點解港台有編輯自主？因為班老兄係公務員，唔怕炒，特別有 GUTS。港台公司化之後，冇左免炒金牌，班老闆又淆底又戀棧權位，嚟自各方嘅干預將會無日無知，到時「不偏不倚」就會消失...... 「不偏不倚」唔等於「中立」，所謂「偏」、「倚」，係喺其他強大勢力影響下會唔會失去獨立同對真實嘅堅持，向權勢低頭。例如今次「逆流」報導小眾權利嘅 issue，就真正體現「不偏不倚」。 (嗯... second thought... 可能係體現左主管人員對依個 issue 危機意識唔夠；如果一早知到會咁大鑊，仲會唔會夠薑咁企硬？我質疑。)

 

老實...... 集嘢真係好 mild 啫...... 比起幾年前嘅《同學同志》更「冇嘢睇」！不過，我覺得佢討論性傾向歧視立法嘅部份確係處理得唔係太好；當然唔代表我認同廣管局依個白痴組織嘅裁決。政府擺明借機郁港台、道德佬借機話俾大眾聽：「我地先係有權有勢，同志冇 power 亦冇 market」。

 

記得上次拍 AIDS 識左杜聰，死馬騮仲寫左個 proposal 係講中國同志同家人關係嘅 series。個 proposal 有 heart 又好正，我仲以為社會一日比一日開放，終有一日依個 proposal 可以上檯面...... 兩年後，發現原來個社會嘅風氣係一日比一日封閉......

 

係，民間平權運動係因為 comm. tech. 嘅發達變得越嚟越有規模，但主流霸權思想嘅堡壘亦越起越勁！霸權有嘅強大武器：主流媒體、教育機關、帶歧視性嘅語言、笑謔、神話、迷思...... 仍然佔絕對上風！ 

 

就算寫一篇普通報導如食物安全，主流意識仍然不可逾越、仍然不斷被 reinforce...... 我冇辦法好似多拉A夢教授咁，對依場仗抱樂觀態度。

 

*********************************

 

 有信心未必會贏。但係冇信心就一定會輸...... 嘿！

 

好似幾隻打到甩皮甩骨都唔死嘅青銅聖鬥士...... 越俾人打得甘，小宇宙燃燒得越勁！ 雖然意識形態之戰切忌郁手郁腳、唔可以拳拳到肉；但係燃燒小宇宙仍然係重點！

 

唔駛好打，最緊要「唔要命」！

 

電視播緊《聖鬥士星矢冥界編》...... 電視版仲靚過以前 (十幾年前！) 嘅 OVA！如果 Orange Road 可以重造一個新電視版就好 lu......

 

 

其實只要我成功地做「一件事」，持之以恆，有 70% 以上經常困擾著我的問題便可自動解決。

為什麼不...？

因為 EQ 低！

......我真麻煩。

 

 

At first everyone spoke the same language, but after some of them moved from the east and settled in Babylonia, they said: Let's build a city with a tower that reaches to the sky! We'll use hard bricks and tar instead of stone and mortar. We'll become famous, and we won't be scattered all over the world.

But when the LORD came down to look at the city and the tower, he said: "These people are working together because they all speak the same language. This is just the beginning. Soon they will be able to do anything they want. Come on! Let's go down and confuse them by making them speak different languages--then they won't be able to understand each other."

So the people had to stop building the city, because the LORD confused their language and scattered them all over the earth. That's how the city of Babel got its name. (Genesis 11:1-9)

《巴別塔》是一齣沉重得讓人透不過氣的電影。昨夜看完後一直胸口發悶，睡覺時發了幾次惡夢。不適合有心臟病、曾經 / 現時 / 有傾向患有抑鬱症者觀看。撐不住請不要入場...... 沒必要辛苦自己。

確是「最佳導演」的作品：場面調度、戲劇指導、在多個不同文化 / 國家拍攝出多種不同而歸一的風格、氣氛、劇力都十足。可是... 未必是「最佳電影」：在乎你怎樣看電影的功能、文化意義、給觀眾的 impact...... 我心中的「最佳電影」應該不會過份沉重，完全傾斜向 dark side 的描寫，沉重到 (大部份) 觀眾都受不住。我比較傾向有 hope、有 way-out 的...... 即使描寫現實，也未必要把氣氛弄得太絕望、而且絕望太久。 (** SPOILER ** 雖然最後大部份以為有事嘅都冇事...... 但「冇事」的 fact 沒有帶來任何希望!!)

************************************

巴別塔在哪裡......？大概是現時伊拉克、古時叫巴比倫的地方。有人解讀聖經，認為人類太驕傲，於是神懲罰人類把他們的語言搞混亂，令他們無法合作云云...... 這樣淘氣的作法真是上帝的所為？

舊約聖經大部份都是以故事或詩歌形式寫成的「密碼」或象徵、比喻，故事情節的合理性實不必深究。但很多信徒仍然按字面解經，甚至不求甚解...... 李天命很反對一句邏輯有問題的說話：「信則有不信則無」；這句話的另一個解讀，仍然是很多信徒的寫照：信的 (合心意的) 看得到，不信的當作不存在 (甚至有可能刪掉...？)

又或者，像夜晚出街永遠有「丫烏公」、警察叔叔會捉頑皮小朋友這種家長唬小朋友的 myths...... 為什麼上帝造人，但人卻在不同地方、有不同膚色、說不同語言？進化不能接受。解不通？回到 model answer 吧：因為人類太頑皮了，所以上帝懲罰我們囉！

所以...... 我以後會乖的了！

 

NANA 2...... 「追求夢想並不等於得到幸福 (快樂)」

 

蜀道難、難於上清天...... 出尖沙嘴令人太累；世界之最登上更空虛......

 

這一生也在進取

這分鐘卻掛念誰

 

古來聖賢皆寂寞

 

何必尋夢

夢裏甘苦皆空

勸君珍惜此際

自當欣慰無窮

 

誠然，追求夢想是為了成就自己...... 那是為了實現更大的快樂。

因為不甘於小快樂，於是去追求大快樂。

放棄小快樂，痛苦，追求大快樂，不果，更痛苦。

 

小快樂未必不如大快樂... 正如毒品無軟硬之分。

大與小，是一項無科學根據的假設。

 

hachi 說：其實我沒想像中那麼 innocent。

 

何必尋夢

 

珍惜此際...... 就是禪。

 

有人追求夢想、有人追求快樂、有人啥都不追求...... 就是人生。

 

讀陳海文教授的《啟蒙論》：中國是「理想已死」的「後烏托邦」社會；「現代化」壓倒「啟蒙」...... 政治化、意識形態化、迷思化、浪漫化、神話化......

 

忽然對道德倫理的社會學失去了興趣。

 

因為忽然有一種直覺：我追求的真相 / 答案，其實不甚了了。

 

好像 Indiana Jones 一天得悉他拼命爭奪的那個盒子，裏面只裝著一份蘋果日報......

 

拜金世界實在變態 / 城市失控老作搵交嗌 / 如有天找到烏托邦多 high...... 柴娃娃冇咁 dry!!

 

聰明不過耶穌、孔子、釋迦牟尼...... 只好快快樂樂當個信徒囉！

 

 

《陽光小小姐》令我深深被感動...... winners、losers... 甚麼甚麼的... 不如粗暴地說一句： fxxk 'em !!!

 

笑中有淚。覺得他們的行為可笑，但更反映了深沉悲哀的現實。

 

Life must go on...... 踏上那輛「餓 land 之 van」以後，一家幾口依然是前路茫茫。

 

生命就是連串痛苦，然後等待最後的光榮嗎？ (像 Proust 的《追憶逝水年華》或林夕寫梵谷的「賣完又買賣完又買賣完又買」)

 

妹豬問舅父信不信有天堂，自殺不遂的同性戀者舅父反問妹豬：「你覺得我能進天堂嗎？」

 

選擇快樂、選擇不快樂...... 最終都是不快樂。

 

 

做了記者不過幾個月... 不想侃侃而談新聞工作的理想與價值......

 

仍是那一句：我想我不太適合這個工作。或許，不是新聞工作，而是，有 TCS 這個大包袱的新聞工作。

 

有一個伏線：數月前潘教授給我 orientation 時，我擔心東西拍得不好看...... 他反問：要好看的嗎？

 

原來這裏不是紀錄片組，這裏沒有其他可能性，這裏只能夠是 TCS。

 

那時，我已經明白我的 training、價值、習慣、手法...... 在這裏並不適用。

 

本來是個左腦人，用了六年時間鍛鍊右腦，薄有成績；現在又要180度轉，用回左腦、封鎖右腦。

 

*****************************************

 

下星期一出街那一集，爛到不堪，希望大家不要看。謝謝。

 

 

將自己定性為一個老土嘅人，做番件老土嘅事。

 

列個 2006 十大事件回顧：

1) 轉組...... 意味住轉行，同成個 lifestyle / 心態 / 使命嘅轉變；意味住加少少人工，做多好多嘢，同一下子冇晒 D 秘撈...... 唉......

2) 持續地做錯好多事

3) 剪晒 D 頭髮 & 停止左食肉

4) 送別一班同學仔...... 最唔捨得當然係..... 木子木子木子木子木子......

5) 拍出兩集「畢業作品」。手鬆 D ... 俾自己 passing out 啦。

6) 完成左曠古爍今嘅 5950 presentation.... 組員們！Well-done！！

7) 超快地拍左個 corporate video

8) 舅父番左嚟

9) 出左兩次埠 (台灣 / 東北、中原)

10) 去見左份教書工...

 

都幾...... 辛苦嘅一年。

 

2007 wish list：

- 做多 D 生意、搵多 D 錢

- 真真正正放下假，去下 D resort 抖下 or 搵個冇人識嘅地方靜下

- 完成個 degree 之後，學下 D 輕鬆 D 嘅嘢 (例如 pick up 番俄文)

- 多 D 時間做自己嘢，做少 D 公司嘢

- 做多 D 運動

- 學識游水 or 踩單車是但一樣

- 執下間房，換張床

- 買 D 新衫

 

好普通？係呀... 做人係咁咖啦！