有大學校長撰文批評大學生炒股。
http://hk.news.yahoo.com/080117/12/2nbed.html

我忍唔住要講一句：屌你啦！個社會風氣搞到咁咪又係你班撚樣做成！

佢話：『年青人應珍惜光陰，專心向學，打好基礎，為將來踏入社會作好準備，並在多方面裝備自己，包括待人處事的態度、人格品德的培育、身心健康 (IQ & EQ)的發展、具備謀生技能、認清社會責任等。目前偏離正軌的「即食文化」，正蠶食下一代的心智，作為大學校長的我，非常痛心。』

你睇下大學嘅科目選擇，受歡迎、大學力捧嘅科目，有邊科唔係著重「成本效益」、「搵快錢」？話學生炒股「輸錢當交學費」心態唔正確？咁唔通幫襯你間學店買個負資產學位就正確？！讀大學，投資時間、金錢、機會成本幾咁高？滿口仁義道德，grant / loan 唔駛還咖？

如果大學之道係明德格物，咁請依位人兄睇下自己經營大學嗰班同業做緊乜嘢：有個姓劉嘅仲夠膽話 --- 「搞大學就好似搞茶餐廳」！

唔該佢睇下各大學 humanities / pure science 嘅經費同 econ / fin / BBA 嘅比較。一方面又叫大家抓緊經濟轉營嘅機遇，一方面又鬧 Q 人地炒股票... 咩態度？

睇下依班老人家嘅意識形態，就係一句『腳踏實地、老實做人、安分守己』。乜大學之道在腳踏實地咩？你農務系就腳踏實地！大學之道在老實做人咩？大學之道在安分守己咩？

安份守己，咪俾你班既得利益者當係牲畜羊群，又剃毛、又揸奶，最後仲燒全羊，一鑊熟，予取予攜，揸乾揸淨。

講理想，就自然想改革社會，又唔岩；講實際，就自然想賺多 D 錢，都唔岩！如果我係細路，我會問一句，大佬，你想我點呀？！