好了。最後今天。

 

怎樣喝都不醉... 可是頭痛得像要裂開，再在裂縫種一棵椰子樹。

 

而且... 睡不著...... 從來沒試過喝了酒而完全不想睡。

 

和自己作戰的最後 24 小時... 是個公眾假期......

 

凌晨四時，窗外下著滂沱大雨。

 

忽然，很想回家。

 

很想明天就變成乾燥的冬天。

 

很想一上街便呼出一口白霧。

 

甚至，下一兩瓣雪花。

 

一如以往，我想要的東西都不會給我... 我只會得到我需要的... 這是我的 blessing、或詛咒。

 

最後今天......

 

要撐住

 

 

 

過了今天... 還只剩下一天。

 

在這之間，有 48 小時的無奈。

 

工作都不想做。

 

開始懷疑... 48 小時之後，是不是真的有一個改變會發生......

 

i wish i know...

 

 

 

又下雨了......

 

 

還有兩天。

 

 

 

生命似　無數連續細小故事

即使傷心了一次

再有更多夢兒

 

想著你　才會明白許多世事

得不到的一些愛

卻永遠埋藏深處

 

 

 

我說過要你快樂

 

 

 

還有三天

 

 

 

還有四天......

為什麼這個五月這麼難過？

 

PLEASE......  GET LOST!!  GET OUT OF MY SIGHT!!!

 

 

 

痛哭之後　咬緊牙關　繼續飄流

 

等待更多的等待

 

 

 

又過了一天

 

我要面對我自己

 

快樂是我的任務

 

 

 

“The man who said ‘I’d rather be lucky than good’ saw deeply into life. People are afraid to face how great a part of life is dependent on luck. It’s scary to think so much is out of one’s control. There are moments in a match when the ball hits the top of the net and, for a split second, it can either go forward or fall back. With a little luck, it goes forward and you win … or maybe it doesn’t and you lose.”

 

 

劇本結構好傳統，但係嚴謹有力 ----- 係好好嘅編劇教材。網球 metaphor、La Traviata、「罪與罰」... 一板一眼，脈絡清晰... 中晒 marking scheme。

 

近來睇嘅好戲入面... 比較鍾意嘅一部。終於明白點解成日寫唔出故仔... 原來係因為接觸經典文學作品太少.....

 

 

 

何謂潮州怒漢? 來自潮州的男人是不是比較燥?

所謂潮州怒漢其實來源自1972年林鳳嬌主演的一套電影的片名，片中主角是潮州人，他受人壓迫，對社會諸多不滿便大大聲說出來，在最後更因怒火中燒與奸角大打出手。當年此片創功夫片之先河，極之受歡迎，自此之後潮州怒漢之名不脛而走，潮州人火爆大男人的形象便被定形。現在叫人潮州怒漢時對方不一定是潮州人，只是泛指脾氣火爆，看不過眼便出聲且聲大大的人。

據潮州朋友說，來自潮州的男人不是比較燥，是因為地域多海盜之故而較強悍。其實他們只是較大男人，很主觀和團結守舊，鄉里有事必一致出面對外，他們像一般老人家，對新事物較難接受。

打老婆方面則不是潮州人的專利，只是因為潮州婦女地位較低，丈夫出聲便依其意願做，予人極怕的感覺，使打老婆形象深入人心。

潮州怒漢這電影使貶低潮州男性說法深入民心，但其實新一代的潮州人已少了以前的團結精神和火爆大男人，不太多真正的潮州怒漢了。


*************************************

Leo... 給你的...

*************************************

Internet 真係乜都有... 搞到 D 細路連 search engin 都唔識用、scan 資料揀有用嘅嘢都唔識。大個就變成我公司入面自命最佳 researcher 嗰個「影印王」。

 

 

 

估中左：「手機出貓」事件其實冇發生過...

 

我諗護苗狂谷嗰單「十四歲女學生被強姦」案嘅實情同我想像嘅都應該差無幾。

 

我諗... 拉登其實已經死左...... 佢亦都唔係「恐怖大王」 (布殊先係...)

 

徐步高係咪魔警其實關你咩事......？

 

Let's detest... 媒體暴力。

 

 

****************************************************

 

 

今晚去左上水、元朗做 observation 攞靈感...... 確確實實有 D 新發現... 嗯... 有 feel......

 

仲用新電話拍左段 video... 哈哈...

 

今晚應該可以搞掂個劇本。但係我落完 site 之後，發現要拍得好並唔係咁易...... 因為真係通街「陀地」...... 要排好戲、 minimise 隊 crew、唉...... 將會浪費好多精力搞程序、斡旋......

 

算啦... 因為我哋係「熱愛遵守規章嘅公務員團隊」嘛... WTF...

 

 

****************************************************

 

 

四個詞語：自信、自卑、自知之明、自以為是。

 

搵個 equilibrium point... 叫「不卑不亢」。

 

發現近年 D 男人歌 (HK POP) D 歌詞都好自卑...... 好人、我不是好人、二等天使、獻世、......

 

女人越嚟越叻...？唔出奇。其實係女人一直都叻，而且近年喺社會上面發揮嘅機會越嚟越多。(comparatively)

 

似乎喺感情又或者婚姻關係入面，both sexes 嘅 mind-set 都要轉變啦。唔係做個卑微嘅小男人就可以解決到問題。Afterall，heterosexual 嗰九成女人 (note my over-simplification) 都要搵個鍾意得落嘅男人做老公。

 

要多 D 了解 opposite sex 嘅需要... 唔好亂 make assumptions...... 例如：「女人揀老公 / 男友樣貌其次，才情最緊要。」其實諗真都幾 bullshit。邊有人唔鍾意靚嘢㗎！？ Attractive thing works better !! (假設我哋唔質疑白人霸權下嗰隻「美」嘅標準)

 

只係... 又靚又好嘅男人實在太渴市。

 

女人真係好慘... 成日要食「次貨」...... 係唔係可以調整一下要求，唔好要個男友咁靚咁型咁叻咁 gentleman 咁有米又有上進心呢？因為其實剩係靚仔已經好難...... (男性人類依種動物嘅先天缺憾；所以男人應該開始搞纖體美容化妝...... etc)

 

男人對女人嘅要求又會唔會 animal 得滯？令到一 D 自以為個樣有少少靚，但係 100% 八婆嘅人「三分顏色上大紅」......

 

我唔係上帝舅父... (點解上帝造人要有性興奮同性高潮？我就答唔出...) 不過我覺得「鍾意嚟鍾意去」依件事真係好煩！而且係自找麻煩！鬼咁多 variable！鬼咁唔 efficient！鬼咁唔科學！不如好似學位分配咁，搞個「聯招」吧啦！

 

 

唯一安慰係 TWINS 嘅「人比人」... 教育女人要睇開 D ...... wakakakakaka......

不卑不亢就係 ----- 男人要 appreciate 自己僅有嘅優點... 然後幻想有個近視嘅好女仔只係睇到嗰幾點......

 

無謂相比　男友怎會都一樣
無謂抱怨　另一位比較理想
難道今天　才明白何謂真愛
就是要...　能承受對方的不理想
他始終有自己　優點跟缺陷　誰也沒法共誰來比
若各位將我們比　或者都會生氣

 

「承受」對方的不理想... 依個詞語好沉重。

 

 

睇片... 係今年 INPUT (世界公共電視展) 嘅精華 workshop... 睇左八套... 唔掂... 太攰... 頂唔住... 要走...

 

討論時間，發現最保守嘅居然係「中流砥柱」、三十幾歲嗰班前線同事。可能「社會責任」喺佢哋眼中被放得太大，又未曾可以拿捏得自如；所以因為驚冒險、因為操作性嘅工序太熟練，所以自我審查嘅動作生硬、死板、嚴格過頭。

 

反而班主管級比較心寬...... 但係當然：comment 係一回事；叫佢扑鎚去做嘅時候有冇咁嘅胸襟、vision、膽色、精準...... 則係決定一個主管嘅優劣嘅時刻。

 

要成為好嘅「老編」，殊不簡單。

 

所以睇「號外」張敏儀嘅訪問令我覺得莫明悲哀 --- 生不逢時 --- 喺廢人當道嘅時候加入依間機構。

 

D 有理想嘅叻人去晒邊？睇嚟電視行業真係已經息微......

 

********************

 

感謝 Leo & Jean 嘅參與...... 尤其是 Leo 「切頸」嗰部份......

這個星期... 情緒的波動都只是圍繞兩個 theme......

 

第一、love me / love me not... 已經不再是個問題。問題是我為什麼那麼軟弱 --- 完全不能把不應該有的妄想從腦海拔掉。有很多新的體會；但當中有幾多可以化為指導我生活的那種「覺悟」？流水當然「很清楚」惜花的責任...... 但它禁不住的心酸會不會連它的 pH 值都給大大降低？

 

「無欲則剛」仍是指導思想。可不可以...... 不要再胡來？到最後連朋友都做不成怎辦？

 

第二、一直等待的那封信。今天明朗了點：那封信不會來了。取而代之是一個電話然後下星期上 HR 簽約。Terms 未知... 但人工應該可增加 70% 或以上吧。那很多經濟問題都會解決了。 Money does matter, at least for now.

 

加入 TCS 是一項特殊的榮耀。雖然她近年的質素越見參差；但我仍然會以加入香港最好的紀錄片團隊為榮而努力工作的。請期待。

鳴謝 idleman 介紹的好歌...... HK POP 帶領我... 在悲觀樂觀... 悲觀樂觀... 之間... 盪鞦韆：

(但其實甚麼都沒有發生...   )

 

 

 

 

 

 

 

 

 

 

 

 

 

朋友話：無慾則剛。

 

意思係喺一段感情關係入面，邊個越唔在乎邊個就越 take the upper hand。

 

要愛，又要唔在乎... 真係頗有難度......

 

火象星座嘅人，一生注定四圍燒、四圍撩交打。Stay hungry...... 有團慾火先有得燒。白羊座... 星星之火可以燎原。白羊嘅火可以係佔有慾、可以係性慾... 但依 D 都係 phenomenon... 底蘊其實係 attention seeking、想人知道佢存在。白羊渴求嘅愛係關注、注視、欣賞、佩服。其實係好底層次，但係係人類最最最基本嘅心理渴求。

 

點解好多白羊 (例如成龍) 都衰咸濕？因為每一個表演者，遇上有觀眾欣賞，都會更加努力表現自己。尤其是當嗰個係高質素嘅觀眾，佢更加會覺得與有榮焉。

 

除非依個表演者已經被封為 royal entertainer... 只係得女皇陛下一個觀眾；否則佢都會當街當巷：「只知我生理上發現其實我想因此我想到就唱唱唱唱」。

 

Never settle for less。明知會痛、明知會輸、明知好難睇...... 但係依團火係唔會熄嘅......

 

 

***************************************************

 

 

「點解？！點解我老豆唔係李嘉誠？！點解我咁靚仔要甩頭髮？！」

 

本來想寫首情詩...... 俾暈妮老師一語驚醒之後記起上述依段感人肺腑嘅電影對白。

 

明知  高攀  實在攀不到老...

you are so beautiful......

 

因緣果報... 竹門木門... 癩蝦毛天鵝肉...... 好多嘢係整定嘅。

 

Try your best my friend... although you're not LKS's son, you're actually not that bad......

 

Confi... utmost important!

 

 

 

年紀老邁... 唔好玩咁大...

 

落得頭暈發冷、腰酸背痛的苦果......

 

是苦也是甜... 在沙灘上執番一 D 青春、跌左一個電話 (落海)...... 雖然 total lost，但可以執番張 sim card 已經係萬幸萬幸萬幸萬幸萬幸萬幸萬幸萬幸。

 

一眾小友老友全部精神可嘉！另設三名特別大獎： (1) 出師未捷身先死仍然力撐到最後一刻嘅木子 (乖......)； (2) 現場指揮若定似開工多過似玩嘅暈妮； (3) 好遲但係都毫無怨言地 show up 嘅 mic、phy & matrix 伉儷。

 

依一切一切... 都將會成為超級 unforgettable 嘅 experience。

 

親眼睇住萬里無雲，太陽從遠處山嘅稜線後面升起...... 雖然海風大到吹甩脾，仍然覺得 100% 溫暖。

 

船駛到中環碼頭一刻，又諗起「青春的變奏」...

 

發現自己原來識英文...... 唔覺唔覺都學左廿年，已經植入腦神經，只係要迫番佢出嚟。

 

我諗我都幾鍾意教書...... 但好可能我唔會鍾意「學校」依種禁制性嘅 social control institution...... 雖然依家 D 老師已經比較 liberal，但仍然有 D myth 放唔低。

 

假如「搵食還搵食，興趣還興趣」，我應該工餘收幾個學生妹做徒弟；or，生幾個仔。

 

**************

 

發現原來 docu-drama 嘅劇本勁難寫....... 所以更加要喺走之前做好佢。Docu-drama 係 ETV 嘅強項；冇拍過就走，有 D 可惜。

 

發現自己冇乜天份... hahahahaha... E 夫人話唔係個個都好似 Brian 咁一嚟就咁勁；有 D 人係要浸 ----- 開頭好似好差... 後尾開竅之後就忽然變得好好。

 

E 夫人仲補充一句：不過... 你冇機會啦... hohohohoho......

 

頂！一定要開工先拍得嘢嘅咩？！

 

**************

 

發現自己由「不能自拔」到「成功自拔」過程順利... 睇嚟... 我已經麻木。

 

昇華... 定係壓抑？

拍山水出了名之同事「青蛙王子」曰：春雷一響，萬物復甦。

 

數星期前，春天的第一次大雷雨；他拍攝了不少爬蟲及兩棲類動物的交配過程......

 

*************************************************

 

春雷除了令人有想交配的感覺之外...... 鬱悶的春季天氣亦令人想尋求轉變，蠢蠢欲動，想一試身手。

 

教育... 電視... 我會選擇哪一方？

 

希望不是雷聲大、雨點小......

各位 new media 同學：

 

低調又感性的 Alan 師兄的「以權謀私」點唱事件...... wakakakakakakakakaka

 

 

 

收聽方法：

use real player
play...
click "next"
(i.e. the whole programme is 7pm - 9pm... divided into two clips. The part is at 8pm.)
(i.e. 在 clip 2 的 3:30 / 55:56)

 

好感動... 

昨夜充硬漢...... 暴雨警告下被困中大圖書館門外。那時才發覺港大是多麼可愛 --- 雖然要繞道，可是由校園的最東走到最西，都是有有蓋通道的......

 

最終在圖書館門外坐了一個半小時，雨沒有停下來的意思，便冒雨跑出正門打的...... 濕晒！

 

********************************

 

不是想通了...... 只是賭氣罷了。

 

明知沒結果... 繼續朝思暮想又有何益？

 

********************************

 

「屋邨少年」和「邊緣」入圍了。

 

加油！拍好戲！

 

(都要解決左 NT-Drug 先...... 拍好戲！)

 

********************************

 

見 TCS... 嗯嗯... 表現普通。

 

要是他們請我表示其他 candidate 都好差！！

昨天是「路向」... 還比較實在。今天是「理想」。

 

捧 grace 的場看了「好戲量」的《陰質教育》。渡輪上，兩個麻甩佬在狠狠批評該戲缺乏深度。我有點替演出者覺得不值；但我同意那兩個麻甩佬的大部份論點。

 

「好戲量」的劇看過好幾齣，越來越嘩眾取寵。它的 target audience 是中學生吧...... 每一齣都大談「理想」、大談「成規」如何窒礙「理想」的實現。但對「理想」的演繹甚為單薄。昨晚演出之後，導演發表感言，說年青人的「理想」如何如何被歧視、社會如何如何看不起年青人。假如他想表達的是年青人的理想在沒有被充分尊重 / 理解之前就被建制、被「大人」扼殺了，我大概同意事實正是如此：社會容不下另一套 logic。但以一個戲劇形式去表達這個論點，要獲得觀眾的支持與共鳴，必須證明 --- 這套 alternative logic 是 work 的，不是任性胡為、不是衝動無知、不是「i'm lovin' it」。

 

劇中穿穿插插一些「短句」... 擺脫不了口號思維。除了自虐地叫演員吃掉教科書、要女演員做七十多下掌上壓... 我實在不能被劇中人物的經歷、「理想」、所受的傷害... 感動。許許多多的髒話、性話題、大膽場面、易服...... 根本與主題毫無關係。而作為主題的「教育制度」則幾乎完全無討論過。中學生看還可以... 如果導演的野心是 accomodate 教育界人士、老師、校長...... 「大人」，為學生的「理想」平反，那就 at least 要說一個他們「上心」的 language。若只管無的放矢亂罵一通，只會令「大人」們對年青人的能力更加嗤之以鼻。

 

但... N 啖屎之後要來一啖沙糖... 這個戲當然也有好看的地方啦....... music by 朱凌凌樂隊...... 真令人感動。一首「你應愛」，台上站滿學生眾聲喧嘩...... 有一種很脆弱很脆弱又很美的感覺...... 未開場先感動 (可惜後勁不繼，浪費了我的期待)。

批評容易... 你叫我寫我也未必寫得出比這個好的劇本。但接受批評、精益求精是「進步」的鐵則。基本上我都認同「好戲量」的理念 (表面上的)...... 不如做少點宣傳搞好點劇本...... 好不好？

*************************************************************

 

談理想......

 

受大一哲學課的深深荼毒，形而上的理念居先。連個世界是乜東東都搞不清楚，怎可知道如何去活？ (當然，之後的 pragmatism 告訴我們這是不需要的......)

 

好，先放一邊。

 

理想 --- ideal --- 事物最好的狀態。

 

我的「理想」 --- 「我」作為一個人最好的存在狀態。

 

可是... 人不是獨立存活在世上。「最好的存在狀態」必包括與身邊人的關係、在社會中的角色。有些人不介意別人怎看，有些人很介意；有些人口裏說不介意其實心裏十分介意。

 

對於我來說，教育就是要教出好人，理想就是做好人。因為「好人」不是一堆 fixed 的 attributes，所以好人不一定是待人以誠的好好先生。反之，「做好人 」就是把自己的「天命」在此時此處此模樣作最大可能的發揮。

 

把自己的「性格」發展得成熟健康，有個性，不一定要做帶領者，但要在人群中找到自己的獨特的位置...... 就是這麼一回事。

 

「成熟」是一個持續不斷改進的過程。所以「理想 」也必然不是一件不變的東西。遇到障礙，然後大叫一聲「i have a bird」，說雀仔被謀殺了...？其實隻雀仔根本冇死到。如果你對逆境消化得好、吸收得好... 隻雀仔仲大隻過以前、仲生猛過以前！！

 

理想和現實不是處於對立面的。理想不能脫離現實。理想只是現實的一個存在狀態。沒有現實... 理想便沒有 reference point。沒有社會定義的「成就」、「好」、「藝術水平」...... 你的「理想」追求個鳥？！

 

 

今晚見一班朋友。我一直在打電腦而她們在談論男孩子，令我有一點反思：朋友 show 她證劵公司同事的照片給大家看... 介紹這個賺多少那個是 top sales...... 有人的興趣是賺錢，很多人不是，有些人由不是慢慢培養到是。

有很多論調，認為為了做運動、玩音樂、搞藝術這些放棄一切的人才算追求理想。於是，變成硬要找一個「他者」來攻擊：喜歡錢是「滿身銅臭」、讀書勁的是「書呆子」、守規矩的模範生是「樣板人」......

 

我想，「錢」是一個系統，manage 了大部份生存所需的物質。我不懂 econ，但覺得這個系統是蠻  efficient 的。因此，不是「這個社會要我們追求一個 model answer」，而是「事實上社會需要有如此這般一個系統」。不要 condemn 別人賺到錢 / 喜歡賺錢；更不要以為為藝術而餓死就係好型...... 根本不能一概而論。

 

捱十年 PA，日日捉襟見肘搏升導演好... 還是炒十年股票然後退休擲錢出來開戲好？

 

十大傑青杜聰廿多歲便從投資銀行副總裁之位退休，全職搞慈善。善心的朋友攞幾條 A 入大學讀社工...... 三十幾歲仲係 contract staff。搞唔到慈善，倒是日日搞行政、填 form、申請依樣申請果樣；都冇時間見 case。

 

母校的陳老師常常提醒我「搵食還搵食、興趣還興趣」。面對那些幾十萬一個月的 sales，我不覺得自己比他們 superior or inferior。

 

但我很懷疑是否他們選擇的路才是搞好藝術、拍好戲的捷徑。