kumakaei's profile在世界上的另一個我PhotosBlogListsMore  |  Tools Help |
|
August 29 泡咖啡店之二對於一個一天泡兩次咖啡店的人...... 我只想到一個理由他自己不去開一間 ----- 因為 no money no talk。
晚上在「五樓」寫字是我沒有其他事情的時候的必然之選。當然，跟這裡的人比較熟、價錢相宜 (因為會打折) 加了點分數；其次是喜歡這裡的「真」非吸煙區及較明亮的燈光。
可是，這裡也是一個極不適宜人類生活的環境：我想這裡的員工很快繼麻雀館職員之後有資格申請「職業性失聰補償基金」。
這裡有世界上其中一種最恐怖的 noise generator ----- 香港人。不知怎的... 大家都喜歡打開嗓門說話。鄰桌的傢伙越大聲，我越要比他更大聲... 真恐怖的集體潛意識。
想不到咖啡店、西餐廳 (記得上次去中環的 pizza express 簡直震耳欲聾......) 比中式茶樓還要嘈吵。真是西方 lifestyle 在香港的奇妙 adaptation 呀......
人老了... 變了牢騷王......
******************************************************
今日黃昏在 HKU 見了個教授仔... 是個小妹妹 (我估 30 出頭)，眼細細，說話大條道理；一開口就否定了全香港的規劃師。感覺很「HKU」、很「Comp. Lit.」：有 pride、少少目中無人罔自尊大的傲氣，對自己的 background 及身份 / 品牌有強烈認同，精英式「let us professionals solve the problem」的思考路徑，永遠不會 grassroot 地想東西 (只是自以為 grassroot... 記住：comp. lit. 的所謂「pop-culture」是張愛玲，不是馬小玲，一 D 都唔 pop)....... 難怪「掹槍」的中大前輩們唔 like 佢。
但我鍾意 bor.... ohohoho...... 鍾意佢夠串！
CUSTOMISE幾乎朝朝去同一間連鎖咖啡店食早餐，日日都飲同樣嘅嘢，歷時已超過一個月。百分之七十嘅時間，係一個四眼仔收銀 serve 我。老實講，冇 expect 同佢做 friend、傾心事、打牙骹、交換體液...... 但係你可唔可以唔好每一次面對我都好似第一次見咁，由頭問我一次想杯咖啡點整？pls...... 我完全唔覺得自己對住一個人，只覺得對住一部會講嘢、會俾個一號笑容、朗誦個 script 同你打招呼嘅飲品售賣機。
學過咩叫 CRM... 即係一種所謂知識管理系統將一個 sales 同個客嘅關係 digitize。個構想係有左個 system 之後任何一個 sales pick up 個客時都可以同佢懶熟唔駛由頭開始。唉... 如果人際關係真係有咁簡單就好。
Research 期間讀過一篇文，有個教授話近年社工轉職情況嚴重，機構累積唔到經驗云云... 又提到「知識管理系統」...... 唔係掛？連社工都麥當奴化？
搞咁多嘢，不如對 D 員工好 D，等佢地似番個人、有番 loyalty 會唔會簡單直接有用 D？
August 26 愛得太遲我過去 那死黨 早晚共對 各也紮職以後沒法暢聚 最心痛是 愛得太遲 有些心意 不可等某個日子 最可怕是 愛需要及時 只差一秒 心聲都已變歷史 我也覺 我體質 彷似下降 看了症得到是別要太忙 錯失太易 愛得太遲 我怎想到 她忍不到那日子 愛一個字 也需要及時 只差一秒 心聲都已變歷史 相擁我所愛又花幾多秒 多少抱憾 多少過路人 太懂估計 卻不懂愛錫自身 縱不信運 你不過是人 理想很遠 愛於咫尺卻在等
August 24 等...《戀愛大過天》最偉大嘅地方係：林夕指出左如果要等「得閒」先可以追求一D你真正想要嘅嘢 (例如：戀愛)...... 咁你依一世都唔駛旨意願望成真。
因為... 有好多「鬼」追住我地。有「過去」嘅錯失要彌補、有「現在」正在發生嘅事要處理、有「將來」嘅憂慮要去未雨綢繆。忙忙忙... 永遠都冇可能停落嚟。到停落嚟嗰日，一切已經無力回天。
學習太多，愛好太少，光陰一眨眼便跑掉。
August 23 一心好怕一心 N 用... 依家拍緊一隻長故、一隻要跟嘅 current affairs (短故？)、不幸地加上 corporate video 嘅詛咒、仲有半邊 press con........ 好煩好煩好煩.......
我只得一個腦；雖然可以分前後左右腦，但都係一個。
心呢？一個心。比起 ATOM 更加不可分割嘅最細單位。
Current affairs 在乎速度、反應。之前做 educational... 在乎內容及 presentation。多麼的南轅北轍。
最憎 D 搶到爛晒嘅新聞......!!!!!
****************************************
教宗叫我地做少 D 嘢，祈多 D 禱。我支持佢！
August 17 港式男女港男唔妥港女、港女睇唔起港男...... 依個已經係現實情況，唔再係理論解釋。 基本上香港人就係咁乞人憎。男嘅樣衰有肚腩貪玩唔負責任大男人冇料到冇上進心；女嘅冇波冇蘿巴揸潑辣厭尖聲悶諸多要求狗眼看人低...... 不過唔駛擔心...... 繼續發展落去，「香港人」依個族群好快同世界講拜拜...... 有關「香港人」究竟有幾乞人憎，先要問「香港人是甚麼」？又或者，香港人點解會變成咁......？ 「香港人是甚麼」？一個被本地社會學家、文化研究員、藝術工作者回答過 (或踐踏過) 無數次嘅問題。學派與 approach 繁多。用一個美式 D 嘅方法：我想像一班人聚集，有 D 相近嘅行為模式、信仰、宇宙觀、價值取向、性格 / 身體特徵、喜憎好惡、氣質....... 其中一部份 factors 因為某種原因 (大多數是經濟原因) 「跑出」，變成個 NORM 的碎塊。所謂「香港人」就係「當一個人同依個 NORM 嘅碎塊嘅接近程度嘅加權平均數大於某個因不同場合而變嘅標準值嘅時候，依個人可以擁有嘅一種文化身份」。 由於「碎塊」本身有時互相矛盾，所以... 冇一個所謂 perfect 嘅「香港人種」。所以... 「阿邊個同阿邊個，都好香港」可以成立，即使「阿邊個同阿邊個」係兩個非常唔同嘅人，佢哋可以用唔同嘅方法攞夠分。 而「香港人點解會變成咁？」，就係因為好嘅碎塊 corelation 越來越低、差嘅碎塊 corelation 越來越高。但係香港人仍然好自豪，攞起一堆「好碎塊」，話：依 D 咪香港人嘅特徵囉！其實依 D 「好碎塊」已經著晒紅燈，隨時會跌出個 NORM 之外...... 有 D 乜嘢「壞碎塊」越嚟越 dominant 呢？陶傑成日講嘅「反智」、飛機阿姐嘅「大聲夾惡」、仲有「太極手 A 字膊」、「懶有寶」、「乜都鬥快慌死執輸」、「冇公德心」乃至「麻目不仁」。想像下：一個有齊上述條件嘅人，即使佢未有三粒星、廣東話唔正，都「好香港」。 好。當依 D factors 乘以「女性」同「男性」，可以得出唔同結果。我 propose 個結果應該係大家唔鍾意對方嘅部份會被強化、突出，變得越來越篤眼篤鼻...... 女人越來越叻亦係一個主要原因。當 D 乞人憎 factors 乘以「女性」再乘以「叻」 ( or 懶叻) 就會變成一種極之 nasty 嘅人種，簡稱「八婆」。有本書叫「why men love bitches」，我冇睇過。如果我寫，我會寫本「no HK man loves bitches」。 女人越來越叻，出現兩個後果：一、因為堅持伴侶要叻過自己，引致比佢更叻嘅男人供不應求；二、身份危機，因為「叻」同 attractive 係兩回事，男人根本唔鍾意女朋友咁叻，叻仲扣分。搞到一方面女人好有 esteem、另一方面又落唔番台。 諗起 A Doll's House，結尾個女主角除件褸走出家門。女人都可以獨立，唔一定要靠男人嘅。你咪「由」佢哋去貪戀 D 低質素嘅「非港女」囉。無謂屈就咖。可以北上搵老公丫.... 可以「湊鬼」丫...... 又可以再強 D 添...... 養個小白臉、娶佢過門都仲得，搞 LES 又得.......... 男嘅走上湖南搵個蠢蠢地、冇乜讀過書、36-24-36、白淨又滑溜嘅，滿足下 D 大男人心態啦..... (不過最好帶佢去深圳行一轉先；如果佢熟路過你，分分鐘......) 唔駛再受氣、唔駛再忍受一個「incomplete」嘅女人 (i.e. 一係冇腰、一係冇波、一係兩樣都冇！！)。 傾唔埋欄就拉倒。你班躝坦，全部都「好香港」！
August 15 好男朋友...... 因為充滿智慧的妳，是在找一個「好人」來當妳的「男朋友」；而不是找一個「人」來當妳的「好男朋友」......
一個人的獨立程度與其對「別人」的依賴程度成正比：我不想打擾別人，同時我也不想別人打擾我。看過一個十二星座「好情人」的排行榜；啥們白羊兄弟姊妹敬陪榜末。解說：排行是以會否為對方「著想」為 criteria。排行越低，越我行我素、不管別人死活。可是這個「好情人」的定義忽略了那些我行我素、不管別人死活的人， (normally) 不會 demand 別人太多，也期望別人不要對他太好、給他太多 attention、愛得太泛濫、暗地裏認為他應該知恩圖報 (又多數不肯承認、扮無私，之後 victimize 自己扮受傷)。
是不是「好情人」，似乎應該看是否能互相配合吧。有些人天生最怕煩。我寧願你不要為我「著想」太多好了......
August 14 星期日 (13/8/2006)感謝 janice & 林一峰陪我渡過了美麗的星期日下午......
太陽和海、海和太陽...... 我的治療力量。
***********************************
阿狗生日快樂!!
星期五 (11/8/2006)首屆性工作者電影節： Day 1 超級 full house!! 開幕電影是一齣台灣的短片 + 一齣印度的紀錄長片 好 raw... 冇花巧... 好睇!!!!! 同場加映警方及食環署的「踩場」行動，為這個「地下」影展加強效果 討論部份... 游靜及北大的戴錦華... 性工作 --- 性別議題、女權、身體、道德、貧窮、工人權益、弱勢社群、組織、警權.......... 自拍自說自話，文化創意，超越「他者」的高或低炒視角，最自然而然的政治正確性！ **************************************
活體實驗... 吃了四杯雪糕之後 沒有由不開心變成了開心 很飽... 不知怎的，開始覺得醉... 暈眩... 然後胃痛 終於，嘔奶 好酸 眼淚流 清醒 發現自己原來沒有醉，換件 t-shirt
我在何方？ 今夕何夕？
August 09 努力 (second thought)今早的工作... 是我在口中默默唸： i'm paid for this job i'm paid for this job i'm paid for this job......... 熬過去的。
好像，真的，以前不為錢只為拍好條片比較快樂啊......  努力不想流水帳... 可是好像很久沒有寫 BLOG... 發現原來上網的 HABIT 轉變了，原因是工作的 PATTERN 轉變了 (暫時)。
之前...... 日頭主力吹水，夜晚通宵達旦...... 所以深夜在無人的 OFFICE 便可以寫寫自己的東西。 現在...... 日頭無水可吹，同事們氣氛緊張，實在不好意思風花雪月呀...... 晚上就要回家了 (因為十二點關冷氣)。開始明白很久不寫一篇 BLOG 的朋友的心情了......  NOW @ PACIFIC COFFEE
**************************************
紀錄片組...... 嗯...... 適應良好。不過好像還未 TUNE IN 他們的話題，有點寂寞罷。
第一個星期... 只三天便完成了在 ETV 一個月的工作。我的解釋：以前因為 UNDERPAID，所以放慢手腳；現在可不能呀......
即將拍攝極其嘔心之歌功頌德短片...... 希望各位同事支持呀！
另外... 成功 SELL 了第一條題...... 哈哈......
努力努力...... 不可以令 ETV 蒙羞的！！
**************************************
HILDA 走了... 嗯... 仍然在港的同學所剩無幾...... 大家去到上海都要努力...... 嗯嗯....... 何時可以再聚呢......？
發了 EMAIL 問 LOUIS 有關 AUGUSTINE 的課是否不是必修科...... 希望下星期一選科前有個答覆......
又開學了！！
**************************************
工作忙了... 生活好像有點空白...
August 01 今天等我來聽別人故事 如何的春風得意也是人故事 我要走他鄉一次 寫故事一次 或是真真的不易 都想試一試
去吧前去吧 沿途雖風霜冰冷 去吧前去吧 縱使風吹得多猛 仍然要去闖怎都不怕 告世間昂然地我復還
今天等我來 就讓我誠懇的心把心聲傳來 大門若已開 若然是你在 願你聽到這個旅客原已歸來
今天等我來 就讓這游子的心寫出好題材 大門若隔開 分隔開 願我聲音跨障礙 令到相識不多的這主題變精彩
|
|
|
